სად და როგორ გავერთოთ დღეს, ხვალ და ზეგ?

სად და როგორ გავერთოთ დღეს, ხვალ და ზეგ?

„პარასკევია დღესაო, ყველა სვამს ბევრსაო“ – ძველი ხალხური ანდაზა

გერმანიაში პარასკევი დღე ნამდვილად საკრალური დღეა. საღამოდან მოყოლებული მშვიდი და რაციონალური გერმანელები სრულიად იცვლებიან და იწყებენ ორდღიან განსაკუთრებულ გართობას (პარასკევი-შაბათი). რაც შეეხება კვირა დღეს, ეს მათთვის სრულად სიმშვიდისა და სარელაქსაციო პერიოდია.

გაგაცნობთ 20-23 თებერვლის გასართობი ღონისძიებების შესახებ ინფორმაციას.

10989163_578623612267823_5033881045724242070_n

პარასკევი! თუ კი ხმა არ გაქვთ, სმენაშიც ოდნავ გიჭირთ, მაგრამ რამდენიმე ჭიქის შემდეგ ფიქრობთ, რომ არაჩვეულებრივად მღერით, ბარი „,მაკულატურა“ (იაკობ ნიკოლაძის 4) საღამოს 9 საათიდან კარაოკეს გთავაზობთ. ფასები იდეალური და ხელმისაწვდომი, გარემო მხიარული. არავინ გაგიწყალებთ გულს უაზრო შეკითხვებით, არ მოგეთათუნებათ სხეულის სხვადასხვა ადგილებზე და არც ჩხუბის მომსწრე გახდებით. მოკლედ, თუ გადაწყვეტთ, რომ დღეს საღამოს სიმღერა გსურთ, წადით „მაკულატურა“ ბარში.

კარგ ივენთს გვპირდება “დიდი გალერი”, სადაც დღეს JUSTUS KOHNCKE, RATI  და VASKA ელექტრონული მუსიკით გააღვიძებენ ჩვენ სხეულში რიტმების სიყვარულს. დასაწყისი 23:00 საათი, ბილეთის ფასი 20 ლარი.

არაჩვეულებრივ თეატრალურ წარმოდგენებს გვთავაზობს სამეფო უბნის თეატრი, კახა ბაკურაძის მოძრაობის თეატრი, თავისუფალი თეატრი და პანტომიმის თეატრი.

10522613_863990423629252_1276545619_n

ახალგაზრდა რეჟისორი დათა თავაძე სამეფო უბნის თეატრში, 20 თებერვალს, 20:00 საათზე წარმოგიდგენთ სპექტაკლს „ტკივილი არის ახალგაზრდობა“, ეს არის ამბავი ახალგაზრდა ადამიანებზე, რომლებიც თავიანთ ახალგაზრდობას უპირისპირდებიან. პიესის მიხედვით, მოქმედება ვენის სამედიცინო უნივერსიტეტში ვითარდება, რომელიც პირველი მსოფლიო ომის დროს ჰოსპიტალი იყო გათნავსებული. სტუდენტებს ადამიანების დასახიჩრებულ სხეულებზე უწევდათ სწავლა, რამაც მათ შემდგომ ცხოვრებაზე დიდი გავლენა მოახდინა. ომის შედეგად დაკარგული იმედები, თუმცა დიდი სურვილი, რომ გამოასწორო ომის შედეგები და შექმნა ახალი გარემო. თუ კი არ გინახავთ ეს სპექტაკლი, აუცილებლად უნდა იხილოთ. ბილეთის ფასია 10 და 15 ლარი.

 

კახა ბაკურაძის მოძრაობის თეატრი 20 თებერვალს წარმოგიდგენთ „INTRO“-ს. სპექტაკლი ცოცხალი მუსიკის, ვოკალის და მარიონეტების თეატრის სინთეზს წარმოადგენს. მიუზიკლის მუსიკალური ნაწილის ვიზუალურ გაფორმებას უზრუნველყოფს მსახიობ მოცეკვავეთა დასი. რეჟისორი – კახა ბაკურაძე; კომპოზიტორი – სანდრო ნიკოლაძე; ქორეოგრაფი – კახა ბაკურაძე; სცენოგრაფი – ანუკა მურვანიძე; ვიზუალური არტი – ნათია ტეტიაშვილი. მშვენიერი და ამაღელვებელი სანახაობა მათთვის, ვისაც მოსწონს მუსიკისა და ბალეტის თანამედროვე სინთეზი. წარმოდგენის დასაწყისი 20:00 საათი,  ბილეთის ფასი 7 – 15 ლარი.

თავისუფალ თეატრში 20 თებერვალს იხილავთ „მექანიკურ ფორთოხალს“, ავთო ვარსიმაშვილის რეჟისორობით. ქართულ რეალობასა და პოლიტიკურ აბსურდულობას მორგებული ენტონი ბერჯენსის „მექანიკური ფორთოხალი“ აუცილებლად გაგაბრაზებთ, მოგინდებათ აქცია მოაწყოთ ქუჩაში და გააპროტესტოთ ის, რაც გაწუხებთ. ტვინის გამოსაფხიზლებელი წარმოდგენაა, რაც ძალიან ბევრს სჭირდება დღეს. სპექტაკლის დასაწყისი 19:00 საათი, ბილეთის ფასი 6,13 და 15 ლარია.

პანტომიმის თეატრში 20 თებერვალს პრემიერაა, „წელიწადის 4 დრო“, რეჟისორი ირაკლი ბიბილური. დასაწყისი 19:00 საათი, ბილეთის ფასი 10 ლარი.

კინოს მოყვარულებისთვის ამ უიქენდებზე ფართო არჩევანია. თქვენ შეგიძლიათ იხილოთ 2 ახალი ფილმი: საშინებელათა ჟანრის „ქალი შავებში 2: სიკვდილის ანგელოზი“ და ანიმაციური კომედია „სპანჯბობი“ 3D. კონოთეატრებში წარმოდგენილია ასევე „გრეის ორმოცდაათი ელფერი“, „იუპიტერის აღზევება“, „ბერდენი“ , „მე ვარ ბესო“ და სხვა. 20 თებერვლიდან 1 მარტის ჩათვლით ევროკავშირის საქართველოს წარმომადგენლობა იწყებს ,,ევროკავშირის ფილმების ფესტივალ 2015-ს” საქართველოში. ფილმების ჩვენება გაიმართება მთელი საქართველოს მასშტაბით 5 ქალაქში: თბილისში, გორში, ქუთაისში, ზუგდიდსა და ფოთში. სეანსებზე დასწრება უფასოა. თბილისში ჩვენებები შედგება კინოტეატრ “ამირანში”. ფესტივალის გახსნის დღეს. პარასკევს, 20 თებერვალს 18:00 საათზე ნაჩვენები იქნება ფრანჩესკა კომენჩინის ფილმი „განსაკუთრებული დღე“.

შაბათი დღის ღონისძიებებით ამჯერად თბილისი არ გვანებივრებს, ამიტომ შეგიძლიათ სახლში დარჩეთ ან ქალაქგარეთ გახვიდეთ. ისინი, კი ვისაც პარასკევს თეატრში წასვლა უნდოდათ და ვერ შეძლეს, შაბათ საღამოს თქვენ კიდევ ერთხელ გეძლევათ შანსი იხილოთ კახა ბაკურაძის მოძრაობის თეატრში საპრემიერო წარმოდგენა „INTRO” (დასაწყისი 19:00, ბილეთის ფასი 8-10 ლარი); მარჯანიშვილის თეატრი (თეატრი სხვენში) წარმოგიდგენთ თითების თეატრს „კედელი“. დასაწყისი 20:00 საათზე, ბილეთის ფასი 6 ლარი. ნოდარ დუმბაძის მოზარდ მაყურებელთა თეატრში შეგეძლებათ წაიყვანოთ თქვენი პატარები ან მეგობრების შვილები და ანახოთ მათ „წითელქუდა“. დასაწყისი 12:00 საათზე, ბილეთის ფასი 7 და 10 ლარი.

11009162_601269033339176_3153321715475575577_n

22 თებერვალს თქვენი პატარები შეგიძლიათ თბილისის თოჯინების სახელმწიფო თეატრში წაიყვანოთ, რომელიც საქველმოქმედო წარმოდგენას მართავს ანდრია ადაძის დასახმარებლად. ანდრია 2 თვეა უკვე მწვავე ლიმფო პლასტიურ ლეიკემიას ებრძვის. მის გადასარჩენად 80 000 ევროა საჭირო. ბილეთების დაჯავშნა შეგიძლიათ ნომერზე 568 14 51 99 (ორშაბათიდან პარასკევის ჩათვლით, 12:00-დან 18:00 საათამდე), ღირებულება 5 ლარი. მიიღწეთ მონაწილეობა ქველმოქმედებაში და თქვენი პატარებიც მიაჩვიეთ ამას.

10959944_435546079952880_221197853955355531_o

22 თებერვალს საღამოს 8 საათზე ბარ რიფერში მუსიკალური საღამო გველის. ერეკლე დეისაძემ გადაწყვიტა ყოველკვირეულად შესთავაზოს მსმენელს ლაივსაღამოები და ამჯერად, რიფერს სტუმრობს. თუ გავითვალისწინებთ შემსრულებლის მსმენელთა რაოდენობას, რიფერში სუნთქვა შეიძლება ოდნავ გაჭირდეს, მაგრამ მისვლა გარისკვად ღირს. ბარში შესვლის ღირებულებაა 5 ლარი.

 

ასე შეგვიძლია გავერთოთ პარასკევს, შაბათს და კვირას. სასიამოვნო უქმე დღეებს გისურვებთ და იმდენი ენერგია მიგეღოთ ამ პერიოდში, რომ შემდეგი კვირის დასაწყისიდან თქვენი უფროსების ატანა არ გაგიჭრიდეთ სამსახურში.

კომენტარები

კომენტარი