რას უნდა ველოდოთ თბილისის მე-15 საერთაშორისო კინოფესტივალისგან

რას უნდა ველოდოთ თბილისის მე-15 საერთაშორისო კინოფესტივალისგან

თბილისის მე-15 საერთაშორისო კინოფესტივალი 1 დეკემბერს ოფიციალურად გაიხსნება და 7 დეკემბრამდე გაგრძელდება. კინომოყვარულები შეძლებენ დაესწრონ  წლის საუკეთესო ფილმების ჩვენებებს, შეხვდნენ კინემატოგრაფებს, მიიღონ მონაწილეობა მასტერკლასებსა და დისკუსიებში.

ფესტივალის მნიშვნელოვანი ნაწილი იქნება საერთაშორისო კინოკონკურსი, რომელშიც წარმოდგენილი იქნება 2 ქართული ფილმი. ფილმებმა კინოსამყაროში დიდი მოწონება დაიმსახურეს. ესენია ლაშა ცქვიტინიძის სადებიუტო ნამუშევარი  „მე ვარ ბესო“  და სალომე ალექსი-მესხიშვილის „კრედიტის ლიმიტი“. ქართველ რეჟისორებთან ერთად, კონკურსში მონაწილეობას რეჟისორები, ბულგარეთიდან, რუსეთიდან, დიდი ბრიტანეთიდან, ბელგიიდან და ლატვიიდან.

ფესტივალის საერთაშორისო კონკურსის ჟიურის წევრები არიან:

მარკო მიულერი – კინომცოდნე, ჟიურის თავმჯდომარე (იტალია)

პიტერ ვებერი – რეჟისორი (დიდი ბრიტანეთი)

რეზა მირკარიმი – რეჟისორი (ირანი)

სევერია იანუშაუსკაიტე – მსახიობი (ლიტვა)

ნანა ექვთიმიშვილი – რეჟისორი (საქართველო)

ფესტივალის კინოთეატრ “ამირანში” მოჰსენ მაჰმალბაფის ფილმის “პრეზიდენტი“-ს ჩვენებით საზეიმოდ გაიხსნება.

dachi_orvelashvili_da_misha_gomiashvili_20470

ფესტივალის ტრადიციადქცეული წესიდან გამომდინარე, თბილისის მე-15 საერთაშორისო კინოფესტივალის სოციალური თემატიკა ქალაქის ურბანული დაგეგმარება და მასთან დაკავშირებული ეკოლოგიური პრობლემებია.  ფესტივალზე წარმოდგენილ ამ სექციას „მწვანე ფერი“ (Green is the color) ერქმევა და მისი მთავარი მიზანი ადამიანებში სოციალური პასუხისმგებლობის გრძნობის გაჩენა და ეკო-ცნობიერების ამაღლება იქნება.

ფესტივალზე წარმოდგენილი იქნება დოკუმენტური ფილმების სექცია, რომელიც 2014 წლის საუკეთესო და საერთაშორისო ასპარეზზე უკვე არაერთხელ აღიარებულ ნამუშევრებს გაგვაცნობს.

წლევანდელი ფესტივალი კვლავ გეგმავს მსოფლიოში ერთ-ერთი ძველი კინოთეატრის „აპოლოს“ მხარდაჭერას, რომელიც ქართული კინოს ისტორიული ძეგლია. სწორედ ამ მიზნით, საქართველოს ეროვნული არქივის ხელშეწყობით, ფესტივალზე წარმოდგენილი იქნება ივან კავალერიძის კინო-შედევრები: „კოლიივშჩინა“ (1933), „სიმღერა პერეკოპზე“ (1930), „პრომეთე“(1936).

საერთაშორისო კინოფესტივალს კი იტალიელი რეჟისორის უმბერტო პაზოლინის „წყნარი ცხოვრება“ დახურავს. საერთაშორისო ფესტივალების პრიზიორ ფილმს რეჟისორი თავად წარუდგენს მაყურებელს.

2

თბილისის მე-15 საერთაშორისო კინოფესტივალი ძალიან ბევრ საინტერეო ფილმს, შეხვედრებსა და მასტერკლასებს ჰპირდება სტუმრებს. წლევანდელი ფესტივალის განსაკუთრებულობას აუცილებლად იგრძნობთ. თბილისში 6 დღის განმავლობაში კინო-კადრები უწყვეტად იტრიალებს.

წყარო: www.tbilisifilmfestival.ge

ფილმები დღეების მიხედვით

ფილმები სექციების მიხედვით

ფილმები ქვეყნების მიხედვით

ფილმები ანბანის მიხედვით

კომენტარები

კომენტარი