ჰობი, რომელიც ძალიან საშიშია

ჰობი, რომელიც ძალიან საშიშია

ჰობი!.. ხშირად ვფიქრობდი ამ სიტყვის შინაარსზე, ვფიქრობდი იმაზეც, რომ მე ჰობი არ მაქვს, რადგან სხვისი თვალისთვის განსაკუთრებულს და ძალიან საინტერესოს, არაფერს ვაკეთებ. თუმცა, რაც დრო გადის, ვხვდები, რომ ჰობი ის არის, რისთვისაც დროის დათმობა არ გენანება, დროის უქონლობისას კი მხოლოდ მის კეთებაზე ფიქრობ; გინდა, რომ მოიშორო ყველა  მომაბეზრებელი, ყოფითი საქმე და გადაერთო შენს ჰობზე. ვისთვის ეს ცხოველებია, ვისთვის- ყვავილები, ზოგს სისწრაფე უყვარს, ზოგი კი იშვიათი ნივთების საყიდლად დაეხეტება. უამრავი რამ არსებობს ამქვეყნად, რამაც შეიძლება დაგაინტერესოთ. ყველაზე საოცნებო და სასიამოვნო კი იმ ადამიანების ცხოვრებაა, რომელთა სამუშაო სფეროცა და ჰობიც ერთმანეთთან თანხვედრაშია.

ჰობი ეს თავისუფლებაა, ღრმად სუნთქვა და სილაღეა. ჰობი ბედნიერებაა, საკუთარ თავთან სიახლოვის შეგრძნებაა.

აქ წარმოგიდგენთ ჰობის საყოველთაოდ აღიარებულ ყველაზე საშიშ სახეობებს. მე თითოეულ მათგანს აღტაცებაში მოვყავარ და ცდის სურვილს მიჩენს. თქვენ გამოგიცდიათ სიმაღლე? ფრენა? სიღრმე? გაგჩერებიათ გული მოჭარბებული ადრენალისგან? ჰუჰ, არაჩვეულებრივი შეგრძნება უნდა იყოს…

8. Bungee Jumping

8

გადმოხტით მაააღალი ხიდიდან, ფეხზე თოკშემოხვეული და როდესაც გეგონებათ, რომ სადაცაა ზღართანი უნდა მოადინოთ, თოკი გაგაჩერებთ. ამ დროს, ალბათ, წამის მეათასედებში გულიც წყვეტს მუშაობს, დენის დარტყმასავით არის. გადმოხტომისას, შესაძლებელია მიიღოთ თავის ტვინის დაზიანება, კისრის მოტეხილობა. თუმცა ეს იმას არ ნიშნავს, რომ თქვენ აუცილებლად დაშავდებდით. დაივიწყეთ ფრაზა “ეშმაკს არ სძინავს”, ერთხელ ვცხოვრობთ და გამოვცადოთ ყველაფერი. დაღუპულთა მაჩვენებელი: 1 ადამიანი 500,000-ში.

7. Scuba/Deep Sea Diving

დაივინგი ბევრ ჩვენთგანს მოსწონს, განუცდია კიდეც და შიშიც ნაკლები ჰქონია, რადგან არაპროფესიონალებს არ აძლევენ სიღრმეში ჩასვლის უფლებას. რაც შეეხება დაივინგის ნამდვილ მოყვარულებს, ისინი ყოველ ჯერზე საკუთარ სიცოცხლეს საფრთხიშ ქვეშ აყენებენ. ამ ჰობის ყველაზე დიდი გამოწვევა ის არის, რომ ერთი პატარა, უნებლიე შეცდომა და შესაძლებელია ჟანგბადის გარეშე აღმოჩნდეთ, ამას წყლის მტაცებელი არსებებიც ემატება. რისკი: 1 ადამიანი 200,000 ზღვის დაივერში.

7

6. Skydiving

გამოკიდებული ცასა და მიწას შორის, გრძნობ გრავიტაციის ძალას. ბევრი თვლის, რომ სქაიდაივინგი სპორტის საშიში სახეობაა, თუმცა ბოლო წლის კვლევის თანახმად, 160.000 სქაიდაივერზე გარდაცვალების 1 ფაქტი მოდის. ეს ძალიან დაბალი მაჩვენებელია, მაშინ როცა წლის განმავლობაში, მსოფლიოს მასშტაბით დაახლოებით 3.2 მილიონი სქაიდავინგი ხორციელდება.

6

5. Ski Jumping

გრავიტაციისგან გამოწვეული სიჩქარის გარდა, შენსა და მიწას შორის ხის ორი ფიცარია. გარდაცვალების რისკი ციფრებში წარმოადგენს ერთ ადამიანს 8.333 სქაი ჯამპინგერში.

5

4. Heli-Skiing

ჰობის ეს სახეობა განსაკუთრებით საყვარელი მათთვისაა, ვინც ზამთრის დადგომასა და თხილამურებით გუდაურში გამგზავრებას თითქმის მთელი წელი ელოდება. ვერტმფრენიდან გადმოხტომა და თოვლში შენი თხილამურებისთვის სწორი მიმართულების მიცემა ადვილია, თუმცა ჰობის ამ სახეობაში საშიში მოსრიალის უკან ჩუმად გაზრდილი თოვლის ზვავია. გარდაცვალების რისკის რაოდენობრივი მაჩვენებელი ასე გამოიყურება: 1/5560 – ზე.

4

3. Cliff Diving/Base Jumping

ჰობის ჩვენ მიერ წარმოდგენილი სია თანდათან უფრო საშიში ხდება. ჰობის ამ სახეობაში ყველაზე მნიშვნელოვანია ზუსტ დროს გახსნა შესაფერისი სამოსი, რათა არ მიიღო (მინიმუმ) სხეულის მძიმე დაზიანება ან (მაქსიმუმ დასახიჩრებული) სიკვდილი. რისკი წარმოადგენს ერთ ადამიანს 2.317 კლიფდაივერში.

3

2. Summit/Rock Climbing

რატომ გვინდება მაინცდამაინც მთებზე ცოცვა და არა ხეებზე? თუმცა არა, ხეებიდან ვიწყებთ და თუ ვიღაცებს ძალიან მოეწონებათ სიმაღლეების დაპყრობა, უკვე მთამსვლელებად გვევლინებიან. იმისთვის, რომ მთაზე ასვლა შედარებით უსაფრთხო და მარტივი იყოს, ძალიან ბევრი საშუალებაა შექმნილი. თუმცა ჩვენ ჩამონათვალში ჰობისა თუ პროფესიის ეს სახეობა, მაინც ერთ-ერთი მოწინავეა. სტატისტიკას რაც შეეხება, 1750 მთამსვლელზე ერთი დაღუპული ადამიანია.

2

1. Motocross/Motorcycle Racing

ეს ნამდვილად უმშვენიერესი ჰობია. სისწრაფე, რომელსაც ძალიან მალე ავითარებ. ჩემთვის ადამიანები, რომლებიც მოტოციკლეტებით არიან გატაცებული, “ჩვენი” სამყაროს ემიგრანტები მგონია.  სტატისტიკის მიხედვით, ყოველ 1000 ბაიკერზე, 1 ბაიკერის სიცოცხლე მოდის.

1

აქ წარმოდგენილი ჰობისა თუ სპორტის თითოეული სახეობა განსაკუთრებულია, ისეთია ყველა რომ ვერ გააკეთებს და დანარჩენებს აღფრთოვანებას რომ მოგვგვრის. ალბათ გახსოვთ, 1 კვირის წინ ნიკ ვალენდას მიერ ჩადენილი ყოვლადწარმოუდგენელი რამ, როდესაც ჩიკაგოს ორ ყველაზე დიდ ცათამბრჯენს შორის, დაზღვევის გარეშე, თვალახვეულმა გაიარა.

არ აქვს მნიშვნელობა, შეგიძლიათ თუ არა მსგავსი რამეების კეთება, მთავარია გქონდეთ ისეთი რამ, რისთვისაც დროის დათმობა არასდროს დაგენანებათ.

http://www.toptenz.net/

კომენტარები

კომენტარი