ჩემი ცოლის დაქალები 06.13-14-15

ჩემი ცოლის დაქალები 06.13-14-15

 

 

პრომოს ნახვის შემდეგ ოთხშაბათის სერიაში ყველაზე მეტად ნატაშკას სიუჟეტურ ხაზს ველოდებოდი. სანდრექსას მერე რთული იქნება ნატაშკას ურთიერთობა სხვა პერსონაჟთან აეწყოს და ეს ნელ-ნელა სულ უფრო მეტად გამოჩნდება. ამაში იმას არ ვგულისხმობ, რომ სანდრექსა იყო განსაკუთრებულად საინტერესო პერსონაჟი, უბრალოდ ქიმია, რომელიც ამ პერსონაჟებას ჰქონდათ, რთულია გამეორდეს, მითუმტეს, სრულიად ახალ პერსონაჟთან. ოთხშაბათის სერიის შემდეგ კი თავისულად შეგვიძლია ვივარაუდოთ, რომ ნატაშკას და დრამატურგის ურთიერთობას განვითარებას აპირებს სცენარისტი. ყველაზე საინტერესო ის არის, რომ ახალ პერსონაჟს პიესის დაწერა უნდა, სადაც მთავარი გმირი ქალი იქნება და ამიტომ ეძებს ქალების საინტერესო ისტორიებს. ერთადერთი, რაც შემიძლია ვთქვა ისაა, რომ ნატაშკაზე საინტერესო ისტორია ძალიან ცოტას თუ ექენება. დიდი იმედი მაქვს, ამ სიუჟეტურ ხაზს საინტერესოდ განავითარებენ.

10805122_10203240077504698_616903411_n

ცოტნეს და ანკას ურთიერთობა უკვე მოსაბეზრებელი ხდება და ამ ყველაფერს კიდევ უფრო აუტანელს ხდის ის ფაქტი, რომ ცოტნე არაა იმდენად სასაცილო, რამდენადაც, თუნდაც, წინა სეზონში იყო. პრინციპში, ამაში მარტო იუმორს არ ვგულისხმობ, ზოგადად, ცოტნე აღარაა იმდენად საინტერესო. ყველაზე ცუდი მაინც ისაა, რომ სავარაუდოდ ამ სიუჟეტურ ხაზს საინტერესოდ განვითარება არც უწერია. სასიყვარულო სამკუთხედი, ცოტნე -ანკა- ეკაკო, კიდევ უფრო სასაცილოს გახდის ამ ხაზს. მთავარი პრობლემა მაინც, ალბათ, ისაა, რომ როცა ცოტნეს უყურებ შეგრძნება გაქვს, რომ შემქმნელებმაც არ იციან როგორ აპირებენ ამ პერსონაჟის განვითარებას. ჩემი აზრით, ეს არის ყველაზე დიდი პრობლემა, რომელიც პერსონაჟს და ზოგადად სერიალს შეიძლება შეემთხვას. დაკარგო/არ გქონდეს ერთი ხაზი როგორ განავითარებ სიუჟეტს და სიუჟეტი დამოკიდებული იყოს არა წინასწარ ჩაფიქრებულ განვითარებაზე, არამედ უბრალოდ სიტუაციიდან გამოძრომაზე.

10815925_10203240076984685_485115157_n

ნინას სამსახურის სცენებიც ძალიან გავს უცებ მოფიქრებულ სიუჟეტს, რომელიც ერთი სერიისთვისაა მხოლოდ საჭირო, რამაც შეიძლება ერთ სერიაში შედეგი მოიტანოს, მაგრამ გრძელვადიან პერსპექტივაში ეს სერიალს აძლევს მხოლოდ იმას, რომ სერიალი არ ვითარდება, არ მიდის ლოგიკური კულმინაციისაკენ. დეტალებზე თუ ვისაუბრებთ საინტერესო იყო დათოს და ირაკლის გაცნობის სცენა, ძალიან სიანტერესოა დათოს და თამაზის ურთიერთობაც, უფრო სწორად, სცენა, სადაც ნინა მაკაზე საუბრობს, როგორც იდეალურ ქალზე, სინამდვილეში კი მაკასაც ზუსტად ის პრობლემები აქვს, რაც თუნდაც ნინას. მასაც უჭირს სამსახურის და სახლის შეთავსება, მასაც აქვს ოჯახში პრბლემები, მასაც ღალატობს ქმარი. მიუხედავად იმისა, რომ ეს უკანასკნელი მოვლენა სერიალში იმდენად ხშირია, სასაცილო ხდება უკვე. ამ ყველაფრისგან ერთი მარტივი ფორმულის დანახვა ნამდვილად შეგვიძლია, არავინ არ ვართ იდელურები, ყველას გვაქვს ჩვენი პრობლემები და ის უპრობლემო დამშვიდებული სახეები უბრალო ნიღაბია, რომლებსაც უცხოების წინ ვირგებთ, მაგრამ ახლოს მოსვლის დროს ეს ნიღბი უკვალოდ ქრება.

შეფასება: 1

 

 

 

10808268_10203240079224741_110261570_n

მოვითხოვ ნელიკოს და ტასოს სცენებს რაც შეიძლება ხშირად. ბევრი რამეა საინტერესო ამ სიუჟეტურ ხაზში. როგორ ინტერესდება ნელ-ნელა ტასო სერიოზულად ხელოვნებით და როგორ ცდილობ ნელიკო შეივსოს ის დანაკლისი, რომელსაც თინას წასვლის შემდეგ გრძნობს. საინტერესო პერსონაჟია ნელიკო. პერსონაჟი, რომელსაც მოსწონს სხვებზე ზრუნვა და თინას წასვლის შემდეგ ტასო ზუსტად ისაა, ვისზეც შეუძლია იაზრუნოს, ბლინები გაუკეთოს, ცოტა ყავა დაალევინოს, ელაპრაკოს და რაც მთავარია, თან მოცარტს მოასმენინოს. მანანას და ნელიკოს დაძაბული სცენა მარტო ბაიას თამაშის სანახავად ღირდა. მსახიობს სიტყვების გარეშე ის ემოცია მოაქვს, რომელსაც ძალიან ბევრი ამ სერიალში „ძალიან მძიმე“ მონოლოგებით ვერ ახერხებს.

ნინას დილა შაბათის სერიაში,ფაქტობრივად, იდეალური იყო. მარტივი ფორმულით სადილს ჯეკო და ბაქარი აკეთებდნენ. ისე რამდენად მარტივი ყოფილა ნინას დახმარება, ალბათ, მეთახმებით, რომ არც ისე რთულია დილით ცოტა ადრე ადგომა და საუზმის მომზადება. ფაქტია, რომ არავინ არაა ვალდებული მთელი ცხოვრება გვემსახუროს და რაც უფრო მალე გავიგებთ ამას, მით უკეთესი იქნება ჩვენთვის. რაც შეეხება მაკას და ნინას საუბარს, ეს, ალბათ, ის დიალოგია, რომელიც ძალიან ბევრჯერ შემდგარა ქართულ რელობაში. ჩვენ ხომ კოლექტიური საზოგადოება ვართ და ჩვენთვის ბევრად მნიშვნელოვანია რას ფიქრობენ ჩვენზე უცხოები რას ლაპარაკობენ სამსახურში,ვიდრე პიროვნებები ზუსტად ამის შედეგია, რომ ირაკლი მთელი ცხოვრება სახლში ყავთ გამოკეტილი და ეს ერთადერთ გამოსავლად მიაჩნია ყველას. საშინელება ისაა, რომ მსგავსი სცენებიდანაც არ გვინდა აზრის გამოტანა, დაფიქრება იმ პრობლემების დანახვა, რომელშიც ვცხოვრობთ.

10804981_10203240077224691_1984531422_n

უკვე ვთქვი, რომ ცოტნეს და ანკას ურთიერთობა საერთოდ არ მაინტერესებს, მაგრამ შაბათის სერიაში ეს სიუჟეტიც ასე თუ ისე სიანტერესო იყო. ანკას და ცოტნეს სურათის გაზეთში დაბეჭვდის შემდეგ ერთი ამბავია. სერიალიში ვნახეთ ცოტნეს ცოლის უნიჭო სცენა, ვნახეთ ქართული უნიჭო მენტალიტეტი, აი ის,„ჩემი ყოფილი ცოლი რომ ყოფილიყო, ბოზიშვილივიყო დავასახიჩრებდი“. მოკლედ, არ ვიცი რა ვთქვა ამ თემასთან დაკავშირებით. ვისაც იგივე ლოგიკა გაქვთ, ერთადერთი შემიძლია გითხრათ, რომ თქვენ გაქვთ ტვინი დასახიჩრებული და დარწმუნებული ვარ, რომ გადაშენებადი ცხოველის ჯიში ხართ. ამ მძიმე სიუჟეტში დორა ზუსტად ჩაჯდა თავისი სპეციფიური იმორით. მე ძალიან მეიცნება ამ პერსონაჟზე, ბოლო სცენიდან გამომდინარე რამდენად სასაცილოცაა პერსონაჟი, იმდენად სახიფათოა, უფრთხილდით იარაღიან დორას.

 

შეფასება: 2

10805180_10203240079704753_75630106_n

მაკას ოჯახი მანამდეა საინტერესო, სანამ შვილები გამოჩნდებიან.შვილების სიუჟეტთან ერთად ეს ინტერესიც სადღაც ქრება. ძალიან ბევრ მსახიობზე შეიძლება იწუწუნო, მაგრამ ამ სეზონში მაკას შვილებზე მეტად არცერთი მსახიობი არ მაღიზიანებს, მიუხედავდ იმისა, რომ პერსონაჟები ძალიან საინტერესოები არიან, ეს ინტერესიც სადღაც ქრება, მსახიობები იმდენად აფუჭებენ სცენებს. აქვე უნდ აღვნიშნო, რომ მაკას გოგოს ოთახიში არის პოსტერების ყველაზე უცნაური ნაზავი: პატარა უფლისწული, Game of Thrones, Blow-UP და Twilight ამით არაფერი კონკრეტულის თქმა არ მინდა, უბრალოდ, სასაცილო ნაზავია.

ანკას და ცოტნეს,სავარაუდოდ, ერთადაც მოუწევთ მუშაობა, ამაზე მეტზე ვერც ვიოცნებედით. ყველაზე საინტერესო ამ სიუჟეტიდან მიშკას ლოგიკა იყო, ანკა რომ ვეღარ იქნება ცოლი და ერთადერთი ის უნდა წესიერად მოიქცეს. განმარტება: წესიერად მოქცევაში იგულისხმება, რომ ყოფილ ქმართან ურთიერთობის შეწყვეტასთან ერთად, ანკამ ურთიერთობა უნდა შეწყვიტოს ყველა კაცთან, დიდი ალბათობით სამუდამოდ, რასთან დაკავშირებითაც უბრალოდ ვერაფერს ვიტყვი, ქართული ლოგიკა, როგორც ასეთი. იგივე სტილში იყო ცოტნეს და ანკას მამის დიალოგიც, რომელიც თუ აქამდე სერიალში არ გვინახავს, ცხოვრებაში მაინც გვექნება ნანახი.

დათოს და ნინას დიალოგები მე ძლიან მიყვარს, განსაკუთრებით, ახალი სეზონში. ორივეს რომ აქვს საწუწუნო სამსახურში როგორ იღლებიან, თან ახალი თემაც აქვთ სალაპარაკოდ, თამაზის საყვერელი. სულ უფრო სასაცილო ხდება ნინა რომ პოზიციას აფიქსდირებს, როგორ ვერ იტანს მოღალატე ქმრებს, საყვრელებს, რომლებიც ოჯახებს ანგრევენ. გავიგეთ უკვე ეს ყველაფერი, გვქონდა ბედნიერება ეს ყველაფერი მოგვესმინა ნინასგან, მინიმუმ, 100ჯერ.

10806925_10203240078664727_1406630308_n

ბაქარის და ბოზი თამუნას ურთიერთობა ახალ ეტაპზე გადავიდა, ყვავილებით და შოკოლადით, როგორც ბოლო შეხავედრისას დაპირდა ბაქარი. ძალიან სასაცილო სცენა იყო, მარტო ამ სცენის გამო ღირდა კვირის სერიის ნახვა. მოკლედ, ბაქარი უნიევრიტეშიც დადის, ბორდელშიც, სიგარეტსაც ეწევა და სახლში გვიანაც ბრუნდება.„ნამდვილი თბილისელია“, უკვე ამ წოდების დამსახურებისთვის რაცა საჭირო ზუსტად ისეთივე სასაცილოა, როგორც ეს წოდება, მაგრამ მე მაინც დაველოდები ბაქარის სიუჟეტის საინტერესოდ განვითარებას.

შეფასება: 2

 

დიდი იმედი მაქვს, ოთხშაბათის სერია ბევრად უფრო სიანტერესო იქნება, ვიდრე ეს პრომოდან ჩანს :

 

 

 

 

 

 

 

კომენტარები

კომენტარი