ყველაფერი, რაც ბერდმენის შესახებ უნდა იცოდეთ

ყველაფერი, რაც ბერდმენის შესახებ უნდა იცოდეთ

მაიკლ კიტონს ალბათ უმეტესობა ტიმ ბარტონის ბეტმენიდან იცნობს, რომელშიც მან მთავარი როლი შეასრულა. 1992 წლის შემდეგ მან ძირითადად ჩვენ მეხსიერებაში ამოტივტივება რაღაც უმნიშვნელო როლებით სცადა, შემდეგ იყო თამაშის გახმოვანება და ერთი მინი-სერიალიც. ალბათ ამ მოღვაწეობას შეგვიძლია წარუმატებელი წლები ვუწოდოთ, რადგან მათთან შედარებით ეს ბოლო წელი კიტონისთვის ნამდვილად ძალიან წარმატებული გამოდგა, ეს წარმატება კი მხოლოდ “ბერდმენის” დამსახურებაა.

ბერდმენი” გვიამბობს მსახიობზე, რომელიც წლებია სუპერგმირის როლს ასრულებდა. ის გადაწყვეტს დაუბრუნდეს კინემატოგრაფიას, ითამაშოს ადაპტაციაში სცენაზე და თან თავად იყოს სცენარისტიც და რეჟისორიც. ყველაფერი ისე არ მოხდება, როგორც მას ჰქონდა დაგეგმილი.

ფილმმა უკვე არაერთი ჯილდო და ნომინაცია მოიპოვა. მათ შორის ოსკარის 9 ნომინაცია, ოქროს გლობუსის 5 ნომინაცია და 2 გამარჯვება, ბაფტას 10 ნომინაცია. ჯამში 119 გამარჯვება და 140 ნომინაცია. რა ხდება? ერთი შეხედვით ხომ ფილმი ისეთი არაფერია, რაც აქამდე არ გვინახავს?

birdman-image-4-6-20

ალბათ ძალიან ბევრი მიზეზი არსებობის კრიტიკოსების მხრიდან ამხელა დაფასების მოპოვებისა, მაგრამ ვფიქრობთ რომ, მთავარი მიზეზები, რატომაც ფილმმა უკვე ამხელა წარმატებას მიაღწია შემდეგია:

1. არაჩვეულებრივი სამსახიობო შემადგენლობა და შესრულება

მაიკლ კიტონი ყოველთვის არაჩვეულებრივად ართმევს თავს დაკისრებულ მოვალეობას, მაგრამ მისმა შესრულებამ ყველა წინა როლს გადააჭარბა. “ბერდმენის” ნახვის შემდეგ მისი ფილმოგრაფიის გადახედვა აუცილებლად ბევრს მოუნდება, ალბათ ამიტომაც ის IMDB-ზე ამ წუთას 25-ე ადგილზეა პოპულარობის მიხედვით. მას არც ემა სტოუნი, ედვარდ ნორტონი ან ნაომი უოტსი ჩამოუვარდებიან.

2. წარმოუდგენლად კარგი მონტაჟი. ასეთი არაფერი გვინახავს.

ფილმი ერთ მთლიან სფექტაკლს ჰგავს, მას თითქოს ერთი კამერა იღებს, რომელიც ფილმის დაწყებისას ჩართეს და ბოლო სცენამდე მსახიობებს თან დაჰყვება. სცენიდან სცენაზე გადასვლა ძალიან გასხვავდება ყველა სხვა ფილმისგან და ალბათ შესაბამის ნომინაციაზე ოსკარისთვის ფილმს კონკურენციას ვერავინ გაუწევს.

3. იუმორი.

ტრეილერების ყურებისას დაგრჩებათ შთაბეჭდილება, რომ ფილმი ძალიან სერიოზული ტონის მქონეა, ეს მართლაც ასეა, მაგრამ ეს იმას არ ნიშნავს, რომ სიცილისგან ცრემლები არ წამოგივათ.

4. სუპერგმირული სატირა და პარალელები

როგორც უკვე აღვნიშნე, კიტონი ბეტმენი იყო. ფილმი არ ცდილობს ეს ფაქტი დაგავიწყოთ, პირიქით – ბერდმენსა და ბეტმენს შორის პარალელების გავლა თითქმის ყოველთვის შეგიძლიათ. კიტონის გარდა სხვა მსახიობებსაც აქვთ სუპერგმირული გამოცდილება. ემა სტოუნი სპაიდერმენის გვენ სტეიცი იყო, ედვარდ ნორტონი წარმოუდგენელი ჰალკი. “ბერდმენი” ის ფილმია, რომელსაც არ სურს რომ მსახიობების ძველი როლები დაივიწყოთ, პირიქით – უნდა ავლოთ პარალელები. კიდევ უფრო გაგეცინებათ.

5. ნამდვილი “ბერდმენი”

მთელი ფილმის მიმდინარეობა ისეთია, რომ ნამდვილი “ბერდმენის” ფილმის ნახვა მოგინდებათ. მიუხედავად იმისა, რომ ინარიტუმ არაერთხელ გაუსვა ხაზი მის დმაოკიდებულებას სუპერგმირული ფილმების თაობაზე, მაინც საკმაოდ დიდი სურვილი გიჩნდებათ ნახოთ თუ როგორი იქნებოდა ფილმი რეალურად.

6. ერთხელ ნახვა არ არის საკმარისი

პირველ ნახვაზე მონტაჟი გაგაოცებთ, თან სიცილის დახოცვის პროცესიც დეტალების აღქმაში ხელს შეგიშლით, მეორედ უკეთესად დააკვირდებით დიალოგებს, მესამედ კიდევ რაღაც ახალს აღმოაჩენთ. Just like that!

7. დიიიდი ეკრანი

ფილმის ნახვა 20 იანვრიდან შეგიძლიათ კინოთეატრ “ამირანში”. გაიგეთ მეტი.

8. მეტი მიზეზი ფილმის სანახავად არ არის საჭირო!

კომენტარები

კომენტარი